ಮುರುಗಲು ಹುಳಿ ಸಾರು

ಬೇಕಾಗುವ ಪದಾರ್ಥಗಳು :

  • ಒಣಗಿಸಿ ಇಟ್ಟ ಮುರುಗುಲ ಹಣ್ಣಿನ ಸಿಪ್ಪೆ - 8
  • ನೀರು - 1 Litre
  • ನೀರು ಬೆಲ್ಲ - 1/2 ಕಪ್.
  • ಉಪ್ಪು - ರುಚಿಗೆ ತಕ್ಕಷ್ಟು.
  • ಜೀರಿಗೆ - 1/2 ಚಮಚ.
  • ಇಂಗು - 2 ಚಿಟಿಕೆ.
  • ತುಪ್ಪ - 1 ಚಮಚ
  • ಕರಿಬೇವು - 5 ಎಸಳು.

ಮಾಡುವ ವಿಧಾನ :

  • ಮುರುಗುಲು ಹಣ್ಣಿನ ಸಿಪ್ಪೆಯನ್ನು ನೀರಿಗೆ ಹಾಕಿ ೧೦ ನಿಮಿಷ ನೆನೆಸಿ.
  • ನಂತರ ಅದಕ್ಕೆ ಬೆಲ್ಲ + ಉಪ್ಪು ಹಾಕಿ ೧೦ ನಿಮಿಷ ಕುದಿಸಿ.
  • ಒಗ್ಗರಣೆ:  ತುಪ್ಪ + ಇಂಗು + ಜೀರಿಗೆ ಹಾಕಿ ಒಗ್ಗರಣೆ ಮಾಡಿ. (ಜೀರಿಗೆ ಬದಲಿಗೆ ಬದಲಿಗೆ 4 ಎಸಳು ಬೆಳ್ಳುಳ್ಳಿಯನ್ನು ಒಗ್ಗರಣೆಯಲ್ಲಿ ಬಳಸಬಹುದು)
  • ಈಗ ಕುದಿಯುತ್ತಿರುವ ಸಾರಿಗೆ ಒಗ್ಗರಣೆ ಹಾಕಿ, ಒಂದು ಕುದಿ ತರಿಸಿ ಗ್ಯಾಸನ್ನು ಬಂದು ಮಾಡಿ.
  • ಬೇಕಾದರೆ ಕುದಿಯುವಾಗ ಸಾರಿಗೆ ಕರಿಬೇವನ್ನು ಹಾಕಿ ಕುದಿಸಬಹುದು. 
  • ಖಾರ ಬೇಕಾದವರು ಸಾರು ಕುದಿಯುವಾಗ 1/2 ಚಮಚ ಕೆಂಪುಮೆಣಸಿನ ಹುಡಿ ಹಾಕಬಹುದು.
  • ಈಗ ಮುರುಗಲು ಹುಳಿ  ಸಾರು ಸವಿಯಲು ತಯಾರು. :)

ಇತರೆ ಮಾಹಿತಿ:

  • ನೆಗಡಿ, ಜ್ವರಕ್ಕೆ ಒಳ್ಳೆಯ ಮದ್ದು.



ಕೃಪೆ: ಆಶಾ. R. ಭಟ್, ಕುಮಟಾ

No comments:

Post a Comment