ಹಾಗಲಕಾಯಿ ಕಾಯಿರಸ

ಹವ್ಯಕರ ಅಡುಗೆಯಲ್ಲಿಯ ವಿಶಿಷ್ಟವಾದ ಇನ್ನೊಂದು ಬಗೆ.

ಬೇಕಾಗುವ ಪದಾರ್ಥಗಳು :

ಕಾಯಿತುರಿ : 1/2 ಕಪ್.

ಬೆಲ್ಲ : 2 ಟೇಬಲ್ ಚಮಚ.

ಹಾಗಲಕಾಯಿ : 2.

ಹುಣಸೇ ಹಣ್ಣು : ಸ್ವಲ್ಪ

ಉಪ್ಪು : ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ :

ಕಡ್ಲೆಬೇಳೆ : 2 ಚಮಚ

ಉದ್ದಿನಬೇಳೆ : 2 ಚಮಚ

ಒಣಮೆಣಸು : 4 ರಿಂದ 6

ಇಂಗು : 1 ಚಿಟಿಕೆ

ಎಳ್ಳು : 1 ಚಮಚ.

ಕರಿಬೇವು : 5 ರಿಂದ 8

ಸಾಸಿವೆ : 1 ಚಮಚ.

ಮಾಡುವ ವಿಧಾನ

• ಮೊದಲಿಗೆ ಹಾಗಲಕಾಯಿಯನ್ನು ಚಿಕ್ಕ ಚಿಕ್ಕ ತುಂಡುಗಳನ್ನಾಗಿ ಕತ್ತರಿಸಿ ಉಪ್ಪು ಹಾಗೂ ಬೆಲ್ಲ ಹಾಕಿ ಬೇಯಿಸಿಟ್ಟುಕೊಳ್ಳಬೇಕು.
• ಬಾಣಲಿಯಲ್ಲಿ ಅಡುಗೆ ಎಣ್ಣೆ ಹಾಕಿ ಅದು ಬಿಸಿಯಾದ ನಂತರ ಕಡ್ಲೆಬೇಳೆ ಹಾಕಿ ಹುರಿಯಬೇಕು. ನಂತರ ಉದ್ದಿನಬೇಳೆ ಹಾಕಬೇಕು.
• ಆಮೇಲೆ ಒಣಮೆಣಸು + ಇಂಗು + ಎಳ್ಳು ಹಾಕಿ ಹುರಿಯಬೇಕು.
• ಮಿಕ್ಸಿಯಲ್ಲಿ ಕಾಯಿತುರಿ, ಹುಣಸೇ ಹಣ್ಣು ಜೊತೆಗೆ ಈ ಒಗ್ಗರಣೆಯನ್ನು ಹಾಕಿ ರುಬ್ಬಿಕೊಳ್ಳಬೇಕು.
• ಬೇರೆ ಬಾಣಲಿಯಲ್ಲಿ ಎಣ್ಣೆ ಹಾಕಿ ಅದು ಬಿಸಿಯಾದ ನಂತರ ಸಾಸಿವೆ + ಕರಿಬೇವು ಹಾಕಿ ನಂತರ ಬೇಯಿಸಿಟ್ಟುಕೊಂಡ ಹಾಗಲಕಾಯಿ ಸೇರಿಸಬೇಕು.
• ಕೊನೆಯಲ್ಲಿ ರುಬ್ಬಿಕೊಂಡ ಮಿಶ್ರಣವನ್ನು ಹಾಕಿ ರುಚಿಗೆ ತಕ್ಕಷ್ಟು ಉಪ್ಪು.

ಕೃಪೆ : Vinuta Hegde Keshinmane, Netherlands.